روايه الساكن
دلوقتي اجيب هدومي وارجع لاني معملتش حسابي خالص فوافقت ومشيت...
كنت متردد ارجع بفكر ومحتار وعقلي فقد صوابه!!ارجع ولا مرجعش عقلي يقولي اهرب وقلبي يقولي هتاخد ثواب كبير لحد ما الفجر اذن وصليت وبعدها قررت قررت اني ارجع واقبل الشغل...
نمت شوية بعد الفجر وصحيت على ٩ الصبح حضرت شنطتي وفهمت اهلي اني هشتغل في اسكندرية ومش هعرف اجي الا كل اسبوع يوم ومشيت في اتجاه الفيلا وصلت واول حاجة مدام ألفت قالتهالي كنت متأكدة انك هتختار انك ترجع برغم صعوبة الشغل شكرايا عبدالله انك جيت..
عارف يا عبدالله انا عندي ٦٢ سنة وزوجي عندة ٨٠سنة خلفنا رامز على كبر بعد ما فقدنا الأمل وده كان سبب يمكن في مرضه يمكن ربنا بيمنع عنك حاجة لسبب وبتفضل تلح فبيبعتهالك عشان تعرف هو ليه كان مانعها عنك او يمكن عشان يخفف عنك في الدنيا كإختبار وبلاء الولد اتولد طبيعي جدا ومع مرور الوقت ووصل لسن ٧ سنين بدأ يتغير ويخترع شخصيات في خياله ويعيش معاها ومع الوقت اتحبس في العالم الافتراضي ده اللي هو اخترعه زوجي حاول يعالجه لكن مقدرش وده سبب مرضه انه فشل يعالج ابنه اللي اتمناه من الدنيا فاټشل وفقد الكلام والحركة وهو كده بقاله سنتين كاملين..
قومت وكنت حاسس بإرتياح تجاه مدام ألفت وشفقه في النفس الوقت على حالها وحال اسرتها وفكرت في كلامها وانا بقول لنفسي صحيح ان الإنسان ممكن يبقى فاكر ان ربنا مانع عنه رزق سواء في فلوس او اطفال لكن هو بيبقى منع بلاء ويفضل الانسان يقول ليه يارب ليه يارب واشمعنا فربنا يوريه ليه اشمعنا المنع فيرجع يقول ياريتني ما استعجلت لإن ربنا اعلى واعلم..
وقال مش هتطول معانا كتير وفتح الباب وجري وهو پيصرخ!!!!!...
خمنت ان فعله ده اثر مرضه وانه يستحق الاحترام اكتر من الخۏف تجاههواكيد قدامي مهمة صعبة وكبيرة ولكن هي ثواب سواء نجحت او فشلت فيها...
كملت ودخلت اخد دش عشان افوق شوية وابدأ استلم مهام وظيفتي الجديدة واول ما دخلت الحمام لقيت البانيو مليانفقولت اكيد مدام ألفت وهي بتجهزلي الأوضة حبت توفرلي جو عائلي عشان ما احسش اني غريب...
وأول ما قربت من البانيو اتحولت المايه بلون الډم!!! وظهر شخص نايم في قاع البانيو وعنيه مبرقه!!! اول ما شوفت المنظر جريت عشان افتح الباب واهرب واخرج بره الحمام لكن الباب كان مقفول ومعرفتش افتحه وفضلت احاول في فتح الباب وانا نظري مشتت ما بين الباب ومابين البانيو وفجأة لقيته واقف قدامي!!! الشخص اللس كان نايم في قاع البانيو تحت المايه واقف قدامي واقف جوه البانيو ولسه عنيه مبرقه بس ملامحه المره دي قدرت احددها كان رامز!!!..
