شبيهتي القويه
بكلم الحيوان ده ي بابا هكون بكلم مين يعنى
ماهر يوسف مفيش حد غيرنا
يوسف بصړيخ يعنى ايه مفيش اومال اللى انا ماسكه ده يبقى مين انتم عاوزين تجننونى
رجاء بحزن اهدى ي حبيبى معليش اصل احنا خايفين عليك بس سيبه ونتفاهم
ماهر بوشوشة يسيب مين انتى كمان هو انا اللى اتعميت ولا ايه!
رجاء ارجوك ي ماهر هاوده وخده ع اد عقله لحد ما نتصل ع الدكتور عصام يجى يكشف عليه
بالفعل اخده سيف ع اوضته وبمجرد ما دخل نام ع طول وبعد مدة بسيطة وصل دكتور عصام وكشف ع يوسف وخرج ليهم
رجاء خير ي دكتور!
عصام لازم يوسف يحلل ضرورى واشوف التحاليل دى بكرة
وهنا خطرت بدماغ ريهام فكرة وقالت بعلو صوتها ي دكتور عصام يوسف بياخد من العلاج اللى حضرتك كتبته ليا
ريهام ايوة ومن اول يوم كمان
عصام دى کاړثة ده معناه ان يوسف ادمنه وبكده لازم يتنقل ع مصحة نفسية ف اقرب وقت عشان نلحقه
بدأت ريهام تراقب ريأكشانات كل الموجودين وكانت عنيها ع ماهر وسلمى وسيف بالاخص ولاحظت توتر سلمى وانها بتفرك بايدها وشافتها بتهرب وتدخل ع اوضتها
ملك المهم دلوقتى انتى لازم تعملى تحاليل عشان نعالجك من الزفت ده ف اقرب وقت
اسراء ان شاء الله هبدأ من بكرة صحيح هى ريهام مجتش معاكى ليه
ملك هى قالت انها عاوزة تروح من بدرى الفيلا عشان تمخمخ ليهم
بالفعل رنت ملك ع ريهام اللى دخلت ع اوضتها وردت اسراء الو ي ريهام كنت عاوزة احكيلك ع حاجة وبدأت اسراء تقولها ع اللى دار بينها وبين احمد
ريهام بفرحة بجد طيب هو فعلا متعافى ولا بيضحك عليكى!
اسراء معتقدش لان شكله وكلامه ميدلش ابدا انه واحد متعاطى
ريهام طيب بصى مترديش عليه واهربى منه بأى حجة اوك
ريهام انا شاكة بس قريب اوى هتأكد وعاوزة اقولك ان السحر اتقلب ع الساحر
اسراء ازاى يعنى!
ريهام اللى اسمه يوسف طلع بياخد من البرشام ده وادمنه ودكتور عصام قال انه لازم يتحول لمصحة عشان يتعالج
اسراء بدموع ايه يو يوسف! لا يوسف لا طب طب هيعمل ايه ولا هيبقى كويس ازاى!
اسراء انا جاية حالا لازم اشوفه واطمن عليه بنفسى
ريهام انتى مچنونة تيجى فين كده امرنا هيكشف
اسراء مش هقدر ي ريهام لازم اشوفه واطمن عليه عشان خاطرى بليز
ريهام خلاص استنى لحد ما يروح المصحة وابقى روحى زوريه هناك وخلاص
اسراء م ماشى بس خلى بالك منه عشان خاطرى
ريهام ان شاء الله ماما كويسة!
اسراء اه الحمدلله انا هروح ليها دلوقتى
ريهام اوك باى
قفلت ريهام ونزلت ع المطبخ وشافت رحاب وصفاء واقفين
بيتكلموا
ريهام احم مساء الخير
صفاء مساء النور ي بنتى محتاجة حاجة!
ريهام كنت عاوزة اشرب بس
صفاء الا صحيح اللى سمعناه ده ي ست اسراء
ريهام ايه اللى سمعتوه!
صفاء ان استاذ يوسف طلع مدمن
ريهام للاسف ايوة طلع بياخد من البرشام اللى كان مكتوب ليا والبرشام طلع متبدل يعنى فيه حد كان عاوز يإذينى
كل ده وعيونها ع رحاب اللى اتوترت وكانت بتبعد نظرها عن ريهام اللى قربت منها انتى بعضمة لسانك قولتيلى انك انتى اللى بتجيبلى البرشام لما بيخلص ومبتخرجيش غير لما بتتأكدى انى اخدته يعنى انتى كنتى عارفة كويس ان البرشام ده متبدل
رحاب بتوتر مين انا لا طبعا مستحيل اعمل حاجة زى دى ابدا
ريهام امممم حلو اوى الكلام ده يبقى لما تيجى بقى ادام الظابط قولى الكلمتين دول وخلى بالك انا سجلت كلامك يعنى انتى هتشيلى الليلة وتروحى ف ستين داهية
رحاب
وهى بتمسك ايدها ابوس ايدك ي ست اسراء انا مليش ذنب حتى اقسم بالله العظيم ما اعرف ان البرشام بيتبدل لان مش انا اللى بجيبه اصلا
ريهام اومال مين!
رحاب عمك هو اللى بيجيبه ليكى دايما
ريهام باستغراب عمى!
رحاب ايوة
ريهام يعنى هو اللى طلب منك تتأكدى انى باخده مش كده!
رحاب لا مش هو دى الست سلمى
ريهام وكدبتى ليه عليا وقولتى ان ماما هى اللى طلبت منك كده!
رحاب ست سلمى هى اللى طلبت منى كده عشان يعنى انتم ع خلاف دايما بس هى بتحبك وعاوزة مصلحتك
سرحت ريهام شويه وابتدت تفكر هل سلمى وماهر متفقين مع بعض ولا فيه حاجة تانية هى لسه متعرفهاش فاقت ع صوت رحاب والنبى يا سيتى سامحينى انا والله ضحېة وممكن اقول كده ادام الظابط عادى انا فعلا مظلومة
ريهام خلاص ي رحاب اهدى انا هطلب منك خدمة واحدة وانتى كمان ي دادة صفاء الكلام ده ميطلعش برة لجنس مخلوق لا جوة البيت ولا براه
رحاب وصفاء حاضر
طلعت ريهام ع غرفتها وسمعت صوت سلمى بتتكلم مع حد وسايبة باب الاوضة مفتوح وقفت ريهام وسمعتها بتقول بقولك يوسف اخويا طلع بياخد من البرشام اللى كنت باخده للزفتة اللى هنا وووووو
بقولك يوسف اخويا طلع بياخد من البرشام اللى كنت بجيبه للزفتة اللى هنا دى اعمل ايه ولا هيتعالج ازاى!
شخص مجهول اهدى ي حبيبى يروح مصحة وهيتعالج عادى
سلمى ايوة بس انا خاېفة اوى ي اسر يحصله حاجة وكمان مش هينفع يروح مصحة لو الصحافة عرفت هنتفضح وسمعتنا هتبقى ف الطين وشغل بابا هيبوظ
اسر اهدى بقى توترك ده هيفضحك قصادهم اتعاملى عادى وابوكى اكيد هيتصرف المهم عاوز اقابلك
سلمى نتقابل فين
اسر انا اشتريت الشقة اللى انتى قولتى عليها وعاوز افرجها ليكى وبعدها اجى اتقدملك ع طول
سلمى بفرحة بجد ي اسر انت عملت كده عشانى انا واخيرا علاقتنا هتطلع للنور
اسر ايوة طبعا بعمل كل ده عشانك انتى انا بحبك اوى ي روحى
سلمى وانا بمۏت فيك
اسر هقفل انا دلوقتى عشان عندى شغل اوك وهكلمك لما اخلص
سلمى اوك ي روحى باى
سمعت ريهام الكلام واخدت بعضها بسرعة ودخلت ع اوضتها قبل ما سلمى او حد تانى يشوفها طلعت فونها ورنت ع اسراء
ريهام ازيك ي اسراء
اسراء بحزن الحمدلله ع كل حال طمنينى ع يوسف اخباره ايه
ريهام ان شاء الله هيكون بخير المهم كنت عاوزة اسألك عن حد تعرفى واحد اسمه اسر!
اسراء لا مش فاكرة حد بالاسم ده
ريهام طب حاولى بس
اسراء بتفكير صدقينى معرفش حد انا مكنش ليا اصحاب شباب ودائرة معارفنا محدودة بس ليه بتسألى!
ريهام هتعرفى كل حاجة ف الوقت المناسب المهم ماما عاملة ايه
اسراء الحمدلله بخير اخدت العلاج ونامت حاولى تعرفى كل حاجة قبل ميعاد العملية عشان تقدرى تكونى جنبها
ريهام ان شاء الله هروح انام وبكرة الصبح هبقى اجى اشوفها واقعد معاكم شويه
عند اسر بعد ما قفل المكالمة بص لابوه بخبث مبروك ي بابا مهمتنا الاولى تمت وبدون مجهود كبير
سامى ايوة بس بنت عمها متهمناش ف حاجة انا يهمنى ولاد ماهر المنسى مش بنت اخوه
اسر اللى انت متعرفوش ي
