حبيتك يوم م اتلاقينا بقلم حنان سعد

هو وساره لحد العربيه لاني كنت فعلا دايخه ومش قادره امشي
ركبت العربيه وهو ركب وسلمت علي ساره ومشينا 
ساكنه فين
ف ....
تمام 
فضلنا ساكتين شويه وبعدين قطع الصمت دا 
احم معلش ممكن اسألك سؤال 
اتفضل ي بشمهندس 
لا قوليلي يوسف من غير بشمهندس وانا هقولك ي حنان اتفقنا
تمام ي يوسف اتفضل قول سؤالك
هو يعني محدش من اهلك اتصل بيكي او جه زارك ليه
بابا وماما اتوفو ف حاډثه من ٥ سنين وانا عايشه لوحدي مليش غير عمي وعايش برا مصر من زمان اوي بييجي كل شهرين يشوفني ويطمن عليا ويمشي 
ربنا يرحمهم اسف جدا 
ولا يهمك 
فضلنا ساكتين لحد م وصلنا
بس هنا انا ساكنه ف العماره دي 
تمام حمد الله ع السلامه
الله يسلمك متشكره جدا ع التوصيله تعبتك معايا
تعبك راحه متقوليش كدا 
متشكره اوي بعد اذنك
جيت انزل من العربيه حسيت بدوحه قعدت تاني
علي مهلك اي اللي حصل
دايخه بس شويه
طب استني
نزل من العربيه ولف فتح الباب ومسك ايدي سندني وبعدين مشي بيا لحد العماره
.. شوف ي اخويا البت مش مكفيها انها مرجعتش البيت بقالها يومين ومحدش عارف اراضيها قولنا خلصنا من الاشكال القذره دي اتاريها راجعه الوقتي
كنت سامعه الكلام وكل كلمه نازله علي قلبي ټحرقها كل مره كنت بسكت بس المرادي لا جيت ارد بس لقيت يوسف شد ايدي وقعدني ع السلم وبصلي كإنه بيقولي اتطمني للحظة حسيت قلبي دق دقه غريبه بس حلوه فضلت عيني عليه لحد م لقيته وقف ف نص الشارع وبعلو صوته
لو ع الاشكال القذره ف هي اشكالك انتي والحاره كلها لما تكون بنت منكو اهلها متوفيين وعايشه معاكو وانتو بدل م تطيبو خاطرها بكلمه بتدوسو عليها يبقي انتو اللي عالم قذره لما تغيب يومين ومحدش يسأل عليها ويعرف هي راحت فين يبقي انتو اللي اشكال قذره لما تفضلو تلقحو عليها ف الراحه والجايه بمجرد انها عايشه لوحدها يبقي انتو اللي اشكال قذره بدل م تقفوا جنبها وتطمنو عليها بدل م تعتبروها بنتكم اللي ملهاش حد غيركو بتنهشو ف لحمها يبقي انتو اللي اشكال قذره بس لا من هنا ورايح اي حد هيتعرضلها بكلمه انا اللي هقطعها لسانه وهجيبلها حقها مفهوم
اي دا اي الاحساس دا اول مره حد يدافع عني اول مره احس اني متطمنه مع حد اول مره احس اني ليا حد مش وحيده اول مره احس بالأمان
جه قومني وخد ايدي وطلع شقتي كل دا وانا بصاله ومش شايله عيني من عليه اول مره الاحظ انو حلو اوي كدا بشرته قمحيه وعينه بني عنده غمازه ف خده اليمين وشعره اسود حقيقي ليها حق ساره تقول عليه قمر
بصلي لقاني ببصله
بإبتسامه هو انا حلو للدرجادي
اتكسفت وبصيت ف الارض
لا قصدي يعني
اه قصدي لا انت حلو بس مش هو يعني يوووه
ضحك وغمازته ظهرت ارحم قلبي الضعيف اللي عمال يدق پجنون دا اهدي انت كمان هتفضحني يخربيتك
خلاص خلاص متتوتريش كدا ساكنه ف شقه كام
شقة .. الدور ...
تمام
طلعنا الشقه وخد المفتاح فتح الباب ودخلني وساب الباب مفتوح وقعدني ع كرسي
بإبتسامه
استأذن انا بقا 
لا لازم تشرب حاجه الاول دي اول مره تيجي عندي ميصحش
اشرب اي بس اقعدي ارتاحي ملوش لزوم انا همشي اعتبريني شربت 
لا والله مينفعش تشرب قهوه ولا شاي
خلاص لو مصره كدا يبقي واحد قهوه مظبوط 
تمام
جيت ادخل المطبخ دوخت ف قعدت تاني
شوفتي العند وحش ازاي اقعدي وانا هعمل لنفسي بس قوليلي المطبخ فين والسكر والقهوه 
طب تعالي اوريك
سندني لحد المطبخ وقعدت
علي كرسي وشاورتله علي مكان الحاجه